Kryetari Kastrati nënshkruan tri marrëveshje me Fondin e Kosovës për Efiçiencë të Energjisë

31.12.2020 - 13:43 1 minutë lexim

Komuna e Kamenicës ka lidhur marrëveshje me Fondin e Kosovës për Efiçiencë të Energjisë.

I pari i komunës, Qëndron Kastrati dhe Drejtori Menaxhues i Fondit të Kosovës për Efiçiencë të Energjisë, Admir Shala, kanë nënshkruar tri marrëveshje.

Shkolla “Skënderbeu” në Kopernicë, Objekti i Zjarrfikësve, si dhe Komuna e Kamenicës, janë përfitues të këtyre tri marrëveshjeve të nënshkruara, ku për këto objekte do të do të ofrohen shërbime profesionale që rezultojnë në kursim të energjisë dhe buxhetit, si dhe për t’i përmirësuar nivelet e komoditetit dhe standardet e jetesës për përdoruesit.

Kastrati ka thënë se me këto marrëveshje do të ofrohen kushte më të mira në objektet komunale.

“Ofrimi i kushteve më të mira në objektet komunale ndikon në kualitetin e punës. Jemi të përkushtuar që duke kursyer energji dhe buxhet të përmirësojmë standardet e jetesës në komunën tonë”, është shprehur ai. /2LONLINE.com/