Kryetari i Vitisë Sokol Haliti nënshkroi Memorandum bashkëpunimi me Minstrin Shala

/2L ONLINE/ – Memorandumi i bashkëpunimit për rregullimin e Qendrës Rinore , u nenshkrua sot në mes Ministrit për Kulturë, RIni dhe Sport Kujtim Shala dhe Kryetarit të Komunës së Vitisë Sokol Haliti.
Ministria e Kulturës përveç investimit kapital për Palestrën Sportive, po tregon përkujdesje edhe për rregullimin e hapsirave për aktivitete rinore, dhe poashtu ajo është e zotuar edhe për participim në renovimin e shtëpisë së kulturës “Gursel dhe Bajram Sylejmani” me shumën prej 300 000€, e cila do të filloj vitin e ardhshëm.

Punimet në Qendrën Rinore, do të fillojnë dhe përfundojnë këtë vit , dhe ajo do të funksionalizohet brenda Shtëpisë së Kulturës “Gursel dhe Bajram Sylejmani”, ndërsa projekti respektiv ka shumën prej 20 000€.

Gjate këtij këtë takimi të Kryetarit zt. Haliti me bashkëpunëtor të tij dhe Minsitrit Shala, u bisedua edhe për investim në Stadiumin e Futbollit, ndërsa Ministri shprehu gatishmëri për mbështetje të mëtejme në investime kapitale në Komunën e Vitisë./2L ONLINE/