Kryetari i Vitisë reagon për shkak të reduktimeve të energjisë elektrike nga ana e KEDS-it

Reduktimet e energjisë elektrike që sot kaluan mbi 6 orë, kanë shkaktuar shqetësime tek qytetarët e komunës së Vitisë, posaçërisht tek udhëheqësit komunal.

Kryetari i komunës Sokol Haliti, ka shprehur indinjatë lidhur me reduktimet e gjata të ditës së sotme dhe ka theksuar se ndërprerjet e energjisë elektrike në kohën kur mërgimtarët po qëndrojnë në pushime në Kosovë, janë të pajustifikueshme.

 ‘Po ashtu, temperaturat e larta që po mbretërojnë në vendin tonë dhe me ndërprerjet e energjisë deri në gjashtë orë, po e vështirësojnë jetën e qytetarit tonë. Andaj, kërkojmë nga autoritetet dhe udhëheqësit e KEDS-it, që të analizoj situatën dhe të anashkaloj reduktimet e energjisë elektrike’ thuhet në reagimin e të parit të komunës së Vitisë. /2LONLINE.com/.