Kryetari i Komunës së Vitisë, Sokol Haliti i shoqëruar nga Basri Aliu, Drejtor i Shëndetësisë dhe Mirëqenies Sociale, kanë vizituar sot vendpunimin ku po kryhen punët në renovimin e pjesshëm të QKMF -së dhe të objektit të Emergjencës në Viti.
Bëhet me dije se për momentin po punohet në suvatimin e brendshëm të Emergjencës, në renovimin e tërësishëm të kuzhinës dhe të repartit të rengenit. Përndryshe shumë shpejt pritet të fillojnë punimet në renovimin e ambulanteve të mjekësisë familjare në disa fshatra të kësaj komune.
