Kryetari i Vitisë ndau mirënjohje për Shoqatën Humanitare “Smira”
Kryetari i Komunës së Vitisë, Sokol Haliti, ndau mirënjohje për Shoqatën Humanitare “Smira” në Zvicër, në shenjë vlerësimi për kontributin e saj të vazhdueshëm humanitar dhe përkushtimin e palëkundur ndaj vendlindjes.
Me angazhimin dhe solidaritetin e saj, shoqata ka dhënë një ndihmë të çmuar për qytetarët, duke dëshmuar se mërgata jonë mbetet një mbështetje e rëndësishme për zhvillimin dhe mirëqenien e komunitetit.
Mirënjohje për të gjithë anëtarët e Shoqatës Humanitare “Smira” për humanizmin, bashkëpunimin dhe kontributin e tyre të vazhdueshëm. /2LONLINE/