/2L ONLINE/ – Kryetari I Degës së PDK-së në Gjilan, Zenun Pajaziti, së bashku me bashkëpunëtorë ka bërë vizitë në Kompaninë “Euro Model” në Gjilan. Gjatë kësaj vizite, Pajaziti ka mbetur I kënaqur me të arriturat e kësaj kompanie. “Ndjehemi mirë sot në këtë ambient pune të kësaj kompanie, ngase pamë se si njerëz të përkushtuar kanë arritur suksese të jashtëzakonshme duke prodhuar mobile të kualitetit më të lartë dhe duke zhvilluar export për vendet e Bashkimit Europian, si dhe për vendet fqinje në Rajon”, tha ai.
Sipas itj, PDK mbetet e përkushtuar që të gjithë prodhuesve t’u krijoj lehtësira, dhe ndihmë për të rritur edhe më shumë prodhimin dhe punësimin e që kjo gjithësesi do të ndikonte në zhvillimin edhe të komunës.
Pronarët e Kompanisë “Euro Model”, e njoftuan kryetarin Pajaziti se kjo kompani prodhuese sot punëson 60 punëtorë e punëtore, gjithnjë me tendencë të rritjes e zhvillimit të saj. /2L ONLINE/
