Kryetari i Komunës së Vitisë priti në takim artistët nga Maqedonia e Veriut
Kryetari i Komunës së Vitisë, Sokol Haliti, priti sot në takim Shkodran Tolajn dhe Besiana Mehmetin, përfaqësues nga Unioni i Artistëve të Muzikës së Maqedonisë së Veriut.
Gjatë takimit, u diskutua për rëndësinë e artit dhe muzikës në ruajtjen e vlerave tradicionale dhe kulturore.
Me këtë rast kryetari Haliti i falënderoj ata për promovimin e vlerave të kulturës dhe të artit në çdo vend.
Ndërsa artistët i dhuruan kryetarit një pikturë simbolike nga Valmir Haziri, e cila përmban simbole të veçanta kombëtare, si një shenjë mirënjohjeje për përkushtimin e tij në promovimin dhe mbrojtjen e trashëgimisë kulturore dhe muzikore.
Në përfundim të takimit, Shkodran Tolaj dhe Besiana Mehmeti falënderuan kryetarin Haliti për mbështetjen e vazhdueshme ndaj artistëve dhe për rëndësinë që i kushton ruajtjes së vlerave tradicionale. /2LONLINE/