Kryetari i Komunës së Gjilanit ka pritur komandantin e KFOR-it në Kosovë

/2L ONLINE/ – Sot, Komandanti i Forcës së Kosovës – KFOR, Gjeneral Major Guglielmo Luigi Miglietta, ka vizituar Komunën e Gjilanit dhe është takua me kryetarin e Komunës së Gjilanit, Lutfi Haziri, në zyrën e kryetarit.
Gjatë takimit u bisedua për gjendjen aktuale të sigurisë në Kosovë, me fokus të veçantë në pjesën lindore të këtij ragjioni.

Kryetari i Komunës me këtë rast shprehu vlerësimin e komandantit të KFOR-it dhe mirënjohje për sjellje të paanshme dhe efektive të KFOR-it në ruajtjen e një mjedisi të qetë dhe të sigurt si dhe garantimin e lirisë së lëvizjes për të gjithë popullin e Kosovës.

Ndërsa, gjatë këtij takimi General Miglietta tha se “KFOR-i është i përkushtuar për të punuar së bashku me autoritetet lokale, Bashkimit Evropian dhe komunitetin ndërkombëtar për të përmirësuar procesin e stabilizimit”.

“Misioni i KFOR-it mbetet i pandryshuar”, ka përfunduar General Miglietta, duke potencuar se “çdo ndryshim në të ardhmen e KFOR-it, pozitën e forcave, do të bazohet në analiza të kujdesshme të kushteve në terren”.

General Miglietta në mënyrë periodike takon akterët e ndryshëm të Kosovës dhe trupat e KFOR në terren, si pjesë e KFOR-it duke bërë kështu qasje gjithëpërfshirëse ndaj misionit. /2L ONLINE/