Kryetari i Komunës së Gjilanit, Alban Hyseni, priti në takim koordinatorin e TIKA-s në Kosovë, Mehmed Taha Doğan

Kryetari i Komunës së Gjilanit, Alban Hyseni, priti në takim koordinatorin e Agjencisë Turke për Bashkëpunim dhe Koordinim (TIKA) në Kosovë, Mehmed Taha Doğan.

Sipas kryetari Hyseni, Komuna e Gjilanit vlerëson partneritetin me TIKA-n dhe rëndësinë e bashkëpunimit me partnerët ndërkombëtarë për mbështetjen e zhvillimit lokal dhe përmirësimin e shërbimeve për qytetarët.

I pari i Komunës ka theksuar se forcimi i këtyre marrëdhënieve krijon mundësi për iniciativa të përbashkëta që u përgjigjen nevojave të komunitetit dhe kontribuojnë në mirëqenien e qytetarëve të Gjilanit.

Hyseni thekson se Komuna mbetet e përkushtuar ndaj zgjerimit të bashkëpunimit institucional dhe ndërtimit të partneriteteve të qëndrueshme, me synim realizimin e projekteve me përfitime konkrete për qytetarët. /2LONLINE/