Kryetari i Komunës i shpreh ngushëllime familjes Gagica

Kryetari i Komunës së Gjilanit, Alban Hyseni i ka shprehur ngushëllime familjes Gagica, pas ndarjes nga jeta të Florim Gagicës, punëtor shumëvjeçar i Teatrit të Gjilanit.

Postimi i tij:

Me dhimbje të madhe mora lajmin për ndarjen nga jeta të Florim Gagicës, punëtor shumëvjeçar i Teatrit të Gjilanit dhe një artist i përkushtuar që la gjurmë të pashlyeshme në kulturën e qytetit tonë.

Florimi do të kujtohet për dashurinë e tij ndaj artit, për kontributin e tij të çmuar në skenën kulturore dhe për afërsinë e ngrohtësinë që e shpërndante te secili.

Në emrin tim dhe të Komunës së Gjilanit, i shpreh ngushëllimet më të sinqerta familjes Gagica, kolegëve dhe gjithë komunitetit artistik.

I përjetshëm qoftë kujtimi për të!