Kryetari i Kamenicës u takua me Ambasadoren e Turqisë

(2LONLINE) – Kryetari i Komunës Begzad Sinani i shoqëruar nga Asambleisti Zekirja Sermaxhaj, u pritën në Ambasadën e Turqisë në Prishtinë nga Ambasadorja, Songul Ozan.

Ambasadorja Ozan u njoftua për gjendjen e përgjithshme sociale e ekonomike në Komunën e Kamenicës. Kryetari Sinani pasi që e falëndëroi për pritjen dhe mundësinë e dhënë e përgëzoi ambasadoren Turke për përfundimin e suksesshëm të procesit zgjedhor për zgjedhjet lokale në Turqi.

“Kamenica është një vend mjaft i qetë, me siguri të garantuar për të gjithë banorët e saj dhe poashtu me një përkushtim të veqantë për pritjen e investitorëve të mundshëm nga të gjitha vendet dhe në veqanti do të mirëpriten të gjithë investitorët e mundshëm nga Turqia” tha Kryetari Sinani i cili e ftoi zonjën Ozan për vizitë në Kamenicë.

Ambasadorja Ozan tha se ka njohuri për Kamenicën dhe informacionet që posedon e bëjnë të besoj se kjo komunë është për tu vlerësuar. “ Në fillim të muajit maj do të vijë në vizitë në Kamenicë së bashku me një delegacion të lartë të TIKA-s, dhe pres që në atë kohë të pranojmë prej jush propozime konkrete për të mbështetur projekte të ndryshme të infrastrukturës.

Po ashtu do t`u propozoj investitorëve nga Turqia që të vijnë e të investojnë në Kamenicë” tha Ambasadorja Ozan. Edher asambleisti Zekirja Sermaxhaj ka folur për nevojën e ngritjes së bashkëpunimit në mes të Komunës së Kamenicës dhe organizatës TIKA, dhe përmes Ambasadës Turke edhe me investitorët e fushave të ndryshme./2lonline/