Kryetari i Kamenicës pret në takim përfaqësues nga OSBE

Kryetari i Komunës së Kamenicës, Kadri Rahimaj së bashku me Drejtoreshën e Administratës së Përgjithshme Arlindë Sejdiu, kanë pritur në takim Drejtori i Qendrës Rajonale të OSBE-së në Gjilan, Igli Totozani me bashkëpunëtorë nga Zyra për Ligj dhe Drejtësi si dhe Faruk Dërmaku, përfaqësues i OSBE-së për Kamenicë.

Në këtë takim ata kanë diskutuar rreth punëve aktuale që Komuna e Kamenicës po bën si dhe kanë parë mundësitë e finalizimit të bashkëpunimit me Komunën e Ranillugut në raport me shërbiemt që Komuna e Kamenicës jep për këtë komunë, proces ky i fasilituar nga OSBE.

z. Totozani ka vlerësuar lartë punën e Kamenicës në raport me Mekanizmin kundër Dhunës në Familje si dhe bashkëpunimin e deritanishëm.

OSBE ka kërkuar nga Komuna e Kamenicës që të vendos në rendin e ditës në Kuvendin Komunal rregulloren për mekanizmin koordinues lokal për mbrojtje nga dhuna në familje, dhunës ndaj grave dhe dhunës me bazë gjinore.

Kryetari Rahimaj ka shprehur gatishmërinë e plotë për përfundimin e këtij procesi si dhe ka thënë që Komuna e Kamenicës është e gatshme për hapa konkret dhe mbështetje për secilën kategori. /2LONLINE/