Kryetari i Kamenicës ka pritur në takim përfaqësuesit e KFOR-it

Kryetari i Komunës së Kamenicës, Kadri Rahimaj, ka pritur në takim LTC Brown, Maneuver Battalion Commander, RCE LNO Captain Payne dhe LMT Commander SFC Pardo nga KFOR-i.

Gjatë takimit u diskutua për situatën e sigurisë në Komunën e Kamenicës, si dhe për rëndësinë e koordinimit dhe bashkëpunimit të ndërsjellë ndërmjet institucioneve lokale dhe mekanizmave të sigurisë.

Me këtë rast, Kryetari Rahimaj u uroi mirëseardhje dhe suksese pjesëtarëve të rinj të KFOR-it, të cilët kanë filluar angazhimin e tyre në Kamenicë, duke vlerësuar kontributin dhe rëndësinë e pranisë së KFOR-it në ruajtjen e një mjedisi të qetë, të sigurt dhe stabil për të gjithë qytetarët.

Kryetari Rahimaj po ashtu theksoi se Komuna e Kamenicës mbetet e përkushtuar për bashkëpunim të ngushtë me të gjitha institucionet dhe mekanizmat relevantë të sigurisë, duke vendosur në qendër sigurinë, mirëqenien dhe interesin e qytetarëve.

”Ky bashkëpunim do të vazhdojë edhe në të ardhmen, në funksion të ruajtjes së një klime të qëndrueshme, të sigurt dhe të favorshme për të gjithë qytetarët e Komunës së Kamenicës”, ka thënë Kryetari Rahimaj.  /2LONLINE/