Kryetari i Kamenicës dhe drejtori I DKA-së vizituan maturantët gjatë mbajtjes së Testit të Maturës

Në Komunën e Kamenicës po mbahet sot Testi i Maturës për maturantët e shkollave të mesme, një proces i rëndësishëm në rrugëtimin e tyre arsimor.

Me këtë rast, Kryetari i Komunës së Kamenicës, Kadri Rahimaj, së bashku me drejtorin e Drejtorisë së Arsimit, Selami Klaiqi, vizituan maturantët në qendrën e testimit, për t’u uruar suksese dhe për të parë nga afër mbarëvajtjen e procesit.

Gjatë vizitës, Kryetari Rahimaj theksoi rëndësinë e këtij testi për të rinjtë dhe i inkurajoi maturantët që të japin më të mirën nga vetja.

“Testi i Maturës është një moment i rëndësishëm në rrugëtimin tuaj drejt së ardhmes. Ju uroj suksese secilit prej jush dhe besoj se me përkushtimin dhe dijen që keni fituar, do ta kaloni me sukses këtë sfidë”, u shpreh Kryetari Rahimaj.

Nga afër u përcoll edhe organizimi i procesit, me qëllim që testimi të zhvillohet në mënyrë të rregullt dhe sipas standardeve të parapara. Institucionet komunale kanë shprehur mbështetjen e tyre për maturantët në këtë fazë të rëndësishme të shkollimit. /2LONLINE/