Kryetari i Gjykatës priti një grup nxënësish nga shkolla “Nazim Hikmet’
/2L ONLINE/ – Kryetari i Gjykatës Themelore të Gjilanit, Zyhdi Haziri ka pritur një grup nxënësish nga Shkolla Fillore dhe e Mesme e Ulët “NazimHikmet” nga fshati Dobërçan Komuna e Gjilanit.
Qëllimi i këtij takimi ishte ngritja e vetëdijes së nxënësve për rolin dhe detyrat e pushtetit gjyqësor në përgjithësi, si dhe të gjykatës në veçanti në kuadër të lëndës mësimore edukata qytetare.
Me këtë rast kryetari Haziri ka njoftuar nxënësit për punën e gjykatës, zgjidhjen e lëndëve, sanksionet penale për kryerësit e veprave dhe kushtet e gjykatës tonë.
Nxënësit mbetën të kënaqur me njohurit që morën nga ky takim i zhvilluar me Kryetarin e Gjykatës, Zyhdi Haziri.
Në këtë takim ishin 16 nxënës të kësaj shkolle dhe dy mësimdhënës lëndës përkatëse. /2L ONLINE/
