Kryetari i Gjilanit viziton Qendrën Down Syndrome

Kryetari i Komunës së Gjilanit, Alban Hyseni, bashkë me drejtoreshën e Drejtorisë për Shëndetësi dhe Mirëqenie Sociale, Mimoza Kadriu, kanë vizituar Qendrën Down Syndrome në Gjilan, në kuadër të aktiviteteve të kampanjës tradicionale të 21 marsit, Ditës Botërore të Sindromës Down.

I pari i Gjilanit, tha se kishte nderin të takoj miqtë nga Down Syndrome Kosova në Gjilan.

“Kjo vizitë vjen pas Ditës Ndërkombëtare të Sindromës Down, që u shënua më 21 mars, që na kujton sa e rëndësishme është që të gjithë të ndihen të përfshirë dhe të mbështetur në komunitetin tone”, tha Alban Hyseni.

Kryetari i Komunës së Gjilanit falënderoi shoqatën për punën e tyre të palodhur dhe për shembullin që japin për të gjithë ne.  /2LONLIE/