Kryetari i FFK-së Agim Ademi vizitoi klubin Drita në Antalya

“Mbrëmë në ambientet e IC Green Hotel në Antalya të Turqisë kishim për vizitë kryetarin e Federatës së futbollit të Kosovës (FFK), Agim Ademi i cili u prit nga kryesia e klubit”, thuhet në njoftimin e FC Drita.

Drejtori gjeneral i klubit, Feti Murseli e njoftoi kryetarin për ecurinë e përgatitjeve dhe kushtet e mira të punës që ofron Turqia dhe u diskutua për mundësin e rregullimit të infrastrukturës dhe përmirësimin e kushteve të punës në stadiumet tona respektivisht atë në Gjilan i cili është në gjendje jo të mirë (stadiumi sintetik).

Kryetari i FFK-së. Agim Ademi u zotua që do t’i shoh mundësit për një ndërrim të tapetit të stadiumit ndihmës aty ku dy klubet e qytetit të Gjilanit dhe të gjitha shkollat e regjionit të Gjilanit zhvillojnë ndeshjet dhe për shkak të ngarkesës së madhe në atë fushë, tapeti është amortizuar shumë.

“Klubi jonë e falënderoi kryetarin për vizitë dhe për vullnetin për të përmirësuar gjendjen e stadiumit ndihmës dhe për kushtet në përgjithësi në futbollin tonë”, thuhet në njoftimin e klubit bardhë e kaltër.  /2LONLINE/