Kryetari Hyseni: Vazhdojmë përmbushjen e zotimeve për politika sociale që mbështesin familjet në nevojë

Qytetarë e Komunës së Gjilanit, të cilët nuk kanë banesë e shtëpi të vetën dhe ndodhen në gjendje të vështirë ekonomike, do të kenë mbështetje financiare në pagesën e qirasë nga komuna, ka bërë me dije kryetari i Komunës së Gjilanit, Alban Hyseni.

Ai tha se Komuna e Gjilanit vazhdon të përmbushë zotimet e saj për politika sociale që mbështesin familjet në nevojë.

I pari i Gjilanit tregoi se ka nisur aplikimi për programin e banimit, subvencionim i qirasë, një hap konkret drejt mbështetjes së qytetarëve që nuk kanë banesë në pronësi dhe ndodhen në gjendje të vështirë ekonomike. Afati për aplikim është është deri më 30 janar 2026. /2LONLINE/