Kryetari Hyseni uron FC Drita për fitoren e parë historike në fazën e grupeve të Ligës së Konferencës të UEFA-s

Pas arritjes së fitores së parë të kampionit të Kosovës në futboll, Klubit të Futbollit “Drita”, në fazën e grupeve të Ligës së Konferencës të UEFA-s, ka uruar edhe kryetari i Komunës së Gjilanit Alban Hyseni.

Kryetari Hyseni, tha se kjo ishte një fitore historike e djemve tanë në Ligën e Konferencës.

“Drita jonë po ecën drejt rrugës për ëndrrën evropiane. Ju faleminderit që po na bëni krenarë”, tha kryetari Alban Hyseni.

FC Drita, kampionia e Kosovës në futboll, ka përfunduar të enjten mbrëma ndeshjen me fitore kundër skuadrës Shelbourne 1:0, në kuadër të xhiros së tretë të kësaj gare.

Djemtë bardhë e kaltër shënuan golin në minutën e 58-të, ku Almir Ajzeraj shënoi me sukses.

Drita ka pesë pike, ndërsa në xhiron e radhës në kuadër të Ligës së Konferencës të UEFA-s do ta presë skuadrën shqiptare, Shkëndija, më 27 nëntor, në orën 21:00, në stadiumin “Fadil Vokrri” në Prishtinë.   /2LONLINE/