Kryetari Hyseni uron Dritën: Historia shkruhet nga kampionët!

Kryetari i Komunës së Gjilanit, Alban Hyseni ka uruar FC Dritën për shpalljen kampion, pasi me fitoren e sotme ndaj Ballkanit, ndonëse kanë mbetur edhe tri xhiro deri në përfundim të kampionatit, matematikisht kjo skuadër është kampione.

“Gjilani sot është i veshur me ngjyrat e triumfit. Për herë të dytë radhazi dhe të pestën në histori, FC Drita shpallet kampion i Superligës së Kosovës. Ky titull është dëshmi e punës së palodhshme, sakrificës dhe karakterit të fortë të djemve tanë. Ky sukses i takon çdo futbollisti, shtabit teknik, drejtuesve të klubit dhe mbi të gjitha, Intelektualëve”, ka thënë i pari i Komunës së Gjilanit, Alban Hyseni, për ta uruar Dritën për këtë sukses.  /2LONLINE/