Kryetari Hyseni thotë se Palestra e Sporteve po finalizohet

Po vazhdojnë punimet në Sallën e Sporteve në Gjilan, e kryetari i Komunës së Gjilanit, Alban Hyseni ka vizituar këtë objekt, duke thënë se kjo Palestër po finalizohet.

“Edhe gjatë dimrit është punuar intensivisht brenda objektit. Jemi të lumtur që projekti i premtuar për sportistët tanë po jetësohet dhe shumë shpejt do të jetë në funksion”, tha Hyseni.

I pari i Gjilanit, theksoi se një hapësirë që dikur ishte e papërdorshme po shndërrohet në një ambient modern dhe funksional, në shërbim të sportit dhe qytetarëve. /2LONLINE/