Kryetari Hyseni: Shëndetësia dhe mirëqenia sociale, janë prioriteti kryesor

“Në fushën e shëndetësisë dhe mirëqenies sociale në Komunën e Gjilanit, janë bërë përmirësime dhe investime të shumta dhe të cilat janë të dobishme për jetën e qytetarëve. Ky sektor vazhdon të mbetet prioritet, ku parashihet të realizohen projekte për të mirën e qytetarëve”, ka thënë Alban Hyseni, kryetari i Komunës s֝ë Gjilanit.

Ai shtoi se shëndetësia dhe mirëqenia sociale, do të vazhdojnë të jenë prioriteti kryesor.

“Projekti më i madh, banimi i përballueshëm social, do të jetë strehë për shumë familje”, tha Hyseni.

I pari i Gjilanit, më tej tregon se do ta përfundojnë objektin e Qendrës së Qëndrimit Ditor për të Moshuar, bashkë me shoqatën Jetimat e Ballkanit.

“Do të ndërtojmë edhe Qendrën e Mjekësisë Familjare me aneksin e Urgjencës. Do të vazhdojmë me pagesat për lindje të reja, ndihmat për familjet në nevojë dhe barnat falas”, theksoi kryetari Alban Hyseni. /2LONLINE/