Kryetari Hyseni: Puna për Kompleksin e Varrezave të Dëshmorëve po hyn në fazën finale!

Kryetari i Komnës së Gjilanit, Alban Hyseni ka thënë se pas pranimit të projektit të dorëzuar nga OVL-UÇK, dega në Gjilan, Komuna do të nisë shumë shpejt punimet në terren për përfundimin e tij.

“Faleminderit kryetarit të OVL-UÇK në Gjilan, Xhevdet Mehmetit dhe Rashit Ymerit, kryetarit të Shoqatës së Familjeve të Dëshmorëve, për bashkëpunimin dhe angazhimin e tyre të palodhshëm në jetësimin e këtij projekti”, ka thënë Hyseni.

Sipas të parit të Gjilanit, ky projekt është një obligim institucional dhe moral për të nderuar ashtu siç duhet sakrificën e atyre që dhanë jetën për lirinë tonë. /2LONLINE/