Kryetari Hyseni: Projekti më i madh ndonjëherë në Komunën e Gjilanit – Bulevardi po bëhet

Kryetari i Komunës së Gjilanit, Alban Hyseni, ka thënë se bulevardi i qytetit do të bëhet.

Ai theksoi se projekti më i madh ndonjëherë në komunën e Gjilanit do të realizohet. Sipas Hysenit, Bulevardi i qytetit, një investim prej 20 milionë eurosh, është një hap i madh drejt zhvillimit dhe modernizimit të Gjilanit.

“Kemi siguruar buxhetin dhe tani po ecim përpara, duke sjellë një projekt që do të ndryshojë pamjen e qytetit dhe do të krijojë mundësi të reja për të gjithë banorët”, tha kryetari i Gjilanit Alban Hyseni.  

Ky projekt ishte prezantuar në kuadër të nismës “7 javë – 7 projekte”.

“Sipas këtij projekti  do të bëhet ndryshimi më i madh urbanistik në histori të qytetit tonë”, thotë kryetari Hyseni.

“Hapësira publike, parkingje si zgjidhje e burim i të hyrave, objekti i administratës komunale për punë efikase e shërbime më të mira, për ndryshim radikal. Mbi 30.000 metër katror; mbi 500 parkingje nëntokësore; Mbi 8000 metër katror komuna e re dhe nënkalime, si zgjidhje për trafikun”, ka thënë i pari i Komunës së Gjilanit, Alban Hyseni.. /2LONLINE/