Kryetari Hyseni priti kampionët e KB Dritës, për t’iu uruar Kupën në Ligën e Parë të Basketbollit

Pas fitores së Klubit të Basketbollit Drita, në ndeshjen ndaj K B Prizreni, me rezultat 106:88 dhe marrjes së trofeut të Kupës së Kosovës në Ligën e Parë, kryetari i Komunës së Gjilanit Alban Hyseni, priti përfaqësuesit e saj.

Kryetari i Komunës së Gjilanit, Alban Hyseni, tregoi se me kënaqësi të veçantë priti kampionët tanë, KB Dritën, për t’iu uruar Kupën në Ligën e Parë të Basketbollit.

“Ky sukses i merituar është rezultat i punës së palodhshme, disiplinës dhe përkushtimit të madh të lojtarëve, stafit teknik dhe drejtuesve të klubit”, tha Alban Hyseni.

Kryetari i Gjilanit, theksoi se titulli i bënë krenarë të gjithëve dhe me padurim presin rikthimin e KB Dritës aty ku e ka vendin, në Superligën e Kosovës, për të vazhduar me rezultate edhe më të mëdha. /2LONLINE/