Kryetari Hyseni: Preventiva e kujdesi evitojnë vërshimet

Kreu i Komunës së Gjilanit, Alban Hyseni ka thënë se në kohën kur një pjesë e madhe e vendit po përballet me vërshime, si institucione kanë ndërmarrë masat e nevojshme për evitimin e dëmeve të shkaktuara nga to.

“Në verën e këtij viti kemi pastruar shtretërit e lumenjve dhe pikat që kanë paraqitur rreziqe. Ndërkohë edhe sot, gjatë gjithë ditës, ishim në terren për të ndërmarrë veprime parandaluese që këtë situatë ta kalojmë sa më lehtë dhe me sa më pak dëme”, ka thënë kryetari Hyseni.

Ai ka lutur të gjithë qytetarët që për çdo vështirësi të kontaktojnë Qendrat Operative Emergjente përmes numrit 112, të cilat janë në gjendje detyre dhe gatishmërie. /2LONLINE/