Kryetari Hyseni: Mirëpritëm në Gjilan ambasadorin e Republikës së Sllovenisë në Kosovë, Borut Blaj

“Sot kishim kënaqësinë të presim në Gjilan ambasadorin e Republikës së Sllovenisë në Kosovë, Borut Blaj. Gjatë takimit biseduam për zhvillimet në Komunën e Gjilanit dhe gatishmërinë e ndërsjellë për të rritur bashkëpunimin në fusha të ndryshme me interes të përbashkët”, ka thënë Alban Hyseni, kryetari i Komunës së Gjilanit.

Ai tha se ambasadorin e njoftuan për investimet e fundit që po transformojnë qytetin e Gjilanit, si dhe për projektet me rëndësi të veçantë në arsim dhe shëndetësi.

Po ashtu, Hyseni ka thënë se në tkaim u diskutua për mundësitë e bashkëpunimit në sport dhe kulturë, dy shtylla të rëndësishme të zhvillimit dhe jetës shoqërore në komunën e Gjilanit, duke vlerësuar potencialin për iniciativa dhe projekte të përbashkëta në këto fusha.

“Falënderojmë ambasadorin Blaj për vizitën, diskutimin e frytshëm dhe gatishmërinë për të thelluar bashkëpunimin në dobi të qytetarëve të Gjilanit”, ka thënë Alban Hyseni, kryetari i komunës së Gjilanit.  /2LONLINE/