Kryetari Hyseni mirëpret në takim kampionin FC Drita

Kreu i Komunës së Gjilanit Alban Hyseni mirëpret në takim kampionët tanë, skuadrën e Dritës, pas një suksesi të jashtëzakonshëm.

“Drita jonë me plot meritë u shpall kampione për herë të dytë radhazi dhe për herë të pestë në historinë e klubit. Ky titull është krenari për qytetin dhe për secilin që jeton me emocionet e këtij qyteti sportdashës. Ekipit, drejtuesve të klubit dhe gjithë qytetarëve tanë ua uroj këtë arritje madhështore”, ka thënë kryetari Hyseni.

Nga ana tjetër, drejtuesit e klubit Drita janëç shprehur falënderues që sot janë prit nga i pari i Komunës së Gjilanit, Alban Hyseni dhe nga drejtori i Drejtorisë për Kulturë, Rini dhe Sport, Kushtrim Zeqiri.

“Falënderojmë Kryetarin për pritjen e ngrohtë dhe për mbështetjen e vazhdueshme ndaj klubit tonë, si dhe ndaj sportit në përgjithësi.

Komuna e Gjilanit tashmë e ka kthyer në traditë mbështetjen për klubet e qytetit, veçanërisht në mbulimin e kostove të fazave përgatitore — një praktikë shumë e rëndësishme që ndihmon klubet në organizim, zhvillim dhe përfaqësim sa më dinjitoz”, thuhet në njoftimin e Dritës, e cila u shpreh mirënjohëse për këtë përkrahje dhe e përkushtuar të vazhdojë të përfaqësojë me krenari qytetin e Gjilanit. /2LONLINE/