Kryetari Hyseni merr vendim për zgjatjen e orarit të përdorimit të mjeteve elektro akustike nga bizneset e sektorit të gastronomisë

Kryetari i Komunës së Gjilanit, Alban Hyseni, ka marr vendim për lejimin e përdorimit të mjeteve elektro akustike nga bizneset e sektorit të gastronomisë.

Me këtë vendim u lejohet përdorimi i mjeteve elektro akustike bizneseve të sektorit të gastronomisë, sipas standardeve ligjore dhe normave të lejuara, gjatë ditëve të punës deri në ora 23:00, ndërsa ditëve të fundjavës (e premte e shtunë) deri në ora 24:00.

Ky vendim vlen për periudhën kohore deri në 20 gusht 2026.

Gjithashtu, përmes këtij vendimi, pezullohet përkohësisht (deri më 20 gusht 2026) urdhëresa nr. 312/22 e datës 21.04.2022 e kryetarit të komunës për mbrojtjen nga zhurma.

Për zbatimin e këtij vendimi kujdeset Drejtoria e Inspeksionit në bashkëpunim me Policinë e Kosovës.

Ky vendim hynë në fuqi me aktin e nënshkrimit të tij nga kryetari i Komunës. /2LONLINE/