Kryetari Hyseni ia uron Dritës titullin kampion
Kreu i Komunës së Gjilanit, Alban Hyseni ka uruar FC Dritën për titullin kampion.
“Sot qyteti ynë ka një arsye më shumë për të festuar! Klubi i Futbollit Drita u shpall kampion për herë të katërt, dhe ky sukses është fryt i përkushtimit të jashtëzakonshëm të lojtarëve, trajnerit, stafit drejtues dhe gjithë klubit”, ka thënë kryetari Hyseni.
Ja postimi i tij i plotë;
FC DRITA – Kampionë për herë të katërt!
Sot qyteti ynë ka një arsye më shumë për të festuar! Klubi i Futbollit Drita u shpall kampion për herë të katërt, dhe ky sukses është fryt i përkushtimit të jashtëzakonshëm të lojtarëve, trajnerit, stafit drejtues dhe gjithë klubit. Urime të përzemërta edhe për Intelektualët – zemrën dhe shpirtin e këtij klubi, të cilët kurrë nuk ndalen së mbështeturi ekipin e tyre!
Faleminderit për emocionet, krenarinë dhe përfaqësimin dinjitoz! /2LONLINE/