Kryetari Haziri uron qytetarët me rastin e ndërrimit të motmoteve

(2L ONLINE) – Kryetari i Komunës së Gjilanit Lutfi Haziri ka uruar të gjithë qytetarët me rastin e ndërrimit të motmoteve. Në mesazhin e urimit thuhet:

“Në emër të të gjitha institucioneve komunale të Gjilanit, ju uroj festën e Vitit të Ri, duke ju dëshiruar paqe, mbarësi, mirëqenie, lumturi e harmoni në familjet tuaja në vitin 2015.

Në këtë çast kremteje, ne të gjithë duhet të jemi më afër njerëzve që u duhet ndihma, të cilët kanë nevojë për përkrahje, dashuri, dhe kujdes dhe dora e ndihmës për këtë shtresë të qytetarëve tanë duhet të jetë përherë e zgjatur.

Duke u angazhuar me mirëkuptim dhe solidaritet, besojmë shumë që do të arrijmë të realizojmë programin për zhvillimin e Komunës sonë, për jetë dhe mirëqenie më të mirë për çdo qytetar dhe çdo familje në Gjilan.

Gjithashtu, apeloj tek të gjithë qytetarët e Komunës së Gjilanit që të festojnë me kujdes ndërrimin e moteve. Gëzuar 2015!”, thuhet në urimin e kryetarit Lutfi Haziri me rastin festës së Vitit të Ri 2015. /2L ONLINE/