Kryetari Haziri takoi zëvendësministrin e MAPL-së Bajram Gecaj

/2L ONLINE/ – Pas vizitës së ministrave Haki Demolli e Lutfi Zharku në Gjilan në fillim të këtij viti, kryetari i Komunës së Gjilanit Lutfi Haziri i shoqëruar kryesuesja Valentina Bunjaku Rexhepi dhe nënkryetari Rexhep Kadriu, ka pritur sot në takim zëvëndësministrin e Ministrisë së Administrimit të Pushtetit Lokal (MAPL), Bajram Gecaj, i cili shoqërohej nga sekretari permanent Besnik Osmani.

Kryetari Haziri e ka informuar zëvendësministrin Gecaj për problemet, sfidat, projektet dhe sukseset e Komunës së Gjilanit.

Me këtë rast, kryetari Haziri e falënderoi zëvendësministrin Gecaj për mbështetje dhe i kërkoi angazhim për ndihmë në kuadër të kompetencave të MAPL-së për ndihmë ndërsektoriale në zgjidhjen e problemeve të lumit “Mirusha”, projekteve kapitale të infrastrukturës, kanalizimit, ujërave të zeza etj.

Nga ana e tij, zëvendësministri i MAPL-së, Bajram Gecaj, pasi ka falënderuar kryetarin Haziri për pritjen, ndërsa konfirmoi mbështetjen e plotë në projektet e sipërpërmendura të Komunës së Gjilanit./2L ONLINE/