Kryetari Haziri priti në takim pune kryetarin e shoqatës “Kosova-Shkup”
/2L ONLINE/ – Kryetari i Komunës së Gjilanit, Lutfi Haziri, ka pritur në një takim pune kryetarin e shoqatës “Kosova-Shkup”, Rexhep Gunduz, me të cilin ka biseduar për mundësitë e bashkëpunimit shtesë në fushën e arsimit, kulturës dhe në sektorin ekonomik Gjilan – Turqi.
Me këtë rast kryetari Lutfi Haziri, ka thënë se Komuna e Gjilanit ka mundësi të mëdha bashkëpunimi me shtetin e Turqisë sepse ka kapacitete ekonomike, kulturore, arsimore dhe profesionale, të cilat janë mundësi e madhe e konkurrencës në bazë të cilësisë dhe kualitetit për të shkëmbyer përvoja dhe praktika që kanë qëllim zhvillimin e Gjilanit si Komunë që është e binjakëzuar tashmë me disa Komuna në Turqi.
Ndërsa, nga ana e tij Gunduz, ka thënë se pos shumë aktiviteteve që ka kryer në krijimin e kushteve dhe bashkëpunimit më të mirë mes Kosovës dhe Turqisë, është i vendosur në fuqizimin e marrëdhënieve Kosovë-Turqi edhe në fusha të tjera të kulturës, arsimit dhe zhvillimit ekonomik. /2L ONLINE/
