Kryetari Haliti vizitoi vendpunimet në asfaltimin e 24 rrugëve në Sadovinë të Muhaxherëve

Kryetari i Komunës së Vitisë, Sokol Haliti, ka vizituar sot fshatin Sadovinë e Muhaxherëve, ku për së afërmi ka inspektuar punimet në asfaltimin e 24 rrugëve, në këtë vendbanim.

Me këtë rast, kryetari Haliti tha se jemi në një fazë dinamike të realizimit të projekteve në të gjitha lokalitetet e komunës së Vitisë.

“Në këtë vit po vazhdojmë të punojmë në asfaltimin e të gjitha rrugëve, me qëllim që qytetarët të lëvizin lirshëm”, tha ai.

 Ai, poashtu ka vizituar punimet e fasadimit të palestrës sportive, kompleksin sportiv afër palestrës sportive, ku përfshihen shtegu i atletikës, fusha e tenisit, e volejbollit dhe fusha e futbollit të vogël. /2LONLINE/