Kryetari Haliti, uron FC “Kosova” në Gjenevë për titullin e kampionit

/2L ONLINE/ – Kryetari i Komunës së Vitisë, Sokol Haliti, i ka uruar Klubit të Futbollit “Kosova” në Gjenevë,titullin e kampionit në Ligën e III-të rajonale, dhe kualifikimin në Ligën e II-të Gjenevës. Në mesazhin e urimit që kryetari Haliti, i ka përcjellë Klubit të Futbollit “Kosova”, thuhet se kjo arritur e Klubit “Kosova”, është një e arritur që na bënë krenar, pasi ky klub që përbëhet kryesisht nga futbollist dhe drejtues të klubit nga komuna e Vitisë , por edhe me gjerë, me paraqitjet e veta ka treguar kualitete si në fushë ashtu edhe jashtë saj.

“Me këtë të arritur si dhe të arriturat tjera në fushën e kulturës, sportit dhe në fusha tjera, mërgimtarët tanë në Zvicër, po tregojnë se janë mirë të integruar në shoqërinë zvicerane dhe se këto rezultate ata I bëjnë ambasador më të mirë të vendit tonë jashtë kufijve të Kosovës”, ka thënë Haliti.

Klubi I Futbollit “Kosova”, i cili përbëhet nga futbollist që vijën nga rajone të ndryshme të Kosovës e të cilët përkohësisht punojnë, studiojnë apo jetojnë në Gjenevë të Zvicrës, sezonin 2015/16 e kishte një nga sezonet e saja më të suksesshme, pasi krahas titullit të kampionit dhe rikthimin në ligën e dytë të Gjenevës, ishin edhe finalist të Kupës së Gjenevës.

-Foto: “FC Kosova” Geneve officiel