Kryetari Haliti, takim pune me kabinetin e tij, drejtorët komunal dhe përfaqësuesit tjerë institucional
Kryetari i Komunës së Vitisë, Sokol Haliti, ka mbajtur një takim pune në fillim të vitit me Kabinetin e Kryetarit, Drejtorët e Drejtorive Komunale dhe përfaqësuesit e Institucioneve Komunale.
Gjatë këtij takimi u diskutua për planifikimin e buxhetit nga të gjitha drejtoritë, mbarëvajtjen dhe zbatimin e procedurave të prokurimit, si dhe për implementimin e rregullt të projekteve dhe aktiviteteve komunale.
Po ashtu, u shqyrtua plani i punës për periudhën në vijim, me theks të veçantë në koordinimin ndërinstitucional, përcaktimin e prioriteteve dhe rritjen e efikasitetit në ofrimin e shërbimeve për qytetarët.
Ky takim kishte për qëllim forcimin e bashkëpunimit ndërmjet strukturave komunale dhe vendosjen e një qasjeje të përbashkët për një funksionim sa më të mirë të Komunës së Vitisë. /2LONLINE/