Kryetari Haliti priti udhëheqësin e ri të LMT-së

Në kuadër të ndërrimit të udhëheqësve të LMT-së të KFOR-it Amerikan në Viti, kryetari i Komunës së Vitisë, Sokol Haliti ka pritur sot në një takim lamtumirës Togerin Milam nga KFOR 27-LMT dhe në takim njohës udhëheqësin e ri të KFOR 28 LMT-së, Togerin Roosa.

Gjatë takimit me ekipin e deritashëm të LMT-së të KFOR-it Amerikan, kryetari Haliti i ka falënderuar ata angazhimin e tyre në kuadër të misionit dhe bashkëpunimin e mire me komunën e Vitisë në interes të gjithë qytetarëve të kësaj komune.

Ai e ka vlerësuar lartë punën e deritanishëm të këtij ekipi dhe ka thënë se komuna të cilën ai e udhëheq është e gatshëm të punoj me ekipin e ri pasi që kjo është në interes të qytetarëve vitias.

Ndërsa gjatë këtij takimi kryetari Haliti i ka njoftuar atë rreth zhvillimeve të gjithmbarshme në komunën e Vitisë, rreth projekteve të realizuara, projektet që pritën të realizohen, bashkëpunimit ndër institucional dhe bashkëpunimit ndërkufitar të kësaj komune, duke i njoftuar ata edhe me bashkëpunimet të cilat i ka kjo komunë me organizatat e huaja, vendore dhe ndërkombëtare.

Në fund të këtij takimi ish udhëheqësit e deritanishëm të LMT-së së KFOR-it Amerikan i kanë dhuruar kryetarit një dhuratë simbolike ndërsa një dhuratë për ta në shenjë mirënjohje pati edhe kryetari Haliti. /2LONLINE.com/