Kryetari Haliti priti në takim amerikanen Reineck

Kryetari i komunës së Vitisë, Sokol Haliti ka pritur sot në takim aktivisten dhe humanisten amerikane, Janet Reineck.

Gjatë këtij takimi kryetari Haliti, i ka dëshiruar asaj mirëseardhje duke potencuar se ajo është një mike shumë e respektuar e kësaj komune me të cilën në vitet e 90-ta kishte bashkëpunuar edhe vetë ai.

Me këtë rast znj. Reineck, si autore e librit “E kaluara si strehë” i ka dhuruar kryetarit Haliti një libër, në të cilin libër autorja ka paraqitur gjininë, migrimin dhe ideologjinë e shqiptarëve të Kosovës.

Përndryshe znj. Reineck, në Viti dhe Kosovë u bë e njohur falë kontributit të saj në emancipimin e femrës shqiptare, në mbështetje të shkollave shqipe gjatë viteve të 90-ta, si dhe në realizimin e shumë projekteve të tjera në komunën e Vitisë gjatë viteve 1994-1997. /2LONLINE/