Kryetari Haliti priti në takim Ambasadorin e OSBE-së në Kosovë, z. Jean-Claude Schlumberger
/2L ONLINE/ – Kryetari i Komunës së Vitisë, Sokol Haliti ka pritur sot në takim një delegacion të OSBE-së në krye me ambasadorin e kësaj organizate për Kosovë zotërinë Jean-Claude Schlumberger si dhe Drejtorin e Qendrës Regjionale të OSBE-së për Gjilan, z. Zoltan Imecs.
Gjatë takimit që e ka zhvilluar Kryetari Haliti me përfaqësues të këtij misioni ai i ka njoftuar ata për zhvillimet e gjithmbarshme në Komunën e Vitisë, konkretisht për punën që po e bëjnë institucionet komunale të Vitisë, për përmirësimin e jetës së të gjithë qytetarëve të kësaj komune pa dallime në veçanti edhe për komitetin pakicë.
Ndër tjerash Haliti ai ka njoftuar ata edhe për bashkëpunimin e kësaj komune me atë të Kllokotit por edhe me institucionet, organizatat qeveritare dhe jo qeveritare në të mirën e përgjithshme të shoqërisë. Pas këtij takimi ata janë prononcuar për media ku ndër tjerash Ambasadori Schlumberger ka bërë të ditur qëllimin e këtij takimi.
“ Kam pasur kënaqësinë që të jem sot në vizitë në Viti, dhe atë me ftesën e kryetarit Haliti. Për ne ka qenë shumë e rëndësishme që të dimë nivelin e bashkëpunimit që e ka OSBE-ja me komunën dhe atë në disa çështje të cilët OSBE-ja ka mandat si për shembull: qeverisja lokale, mbrojtja e komuniteteve, të drejtat e njeriut etj.” u shpreh Schlumberger.
Ai ndër tjerash tha se ka parë hapa pozitive të ndërmarra nga ana e komunës së Vitisë dhe të kryetarit Haliti, qasja shumë e mirë të kategorive shumë të ndjeshme të qytetarëve dhe komuniteteve.
Ndërkaq Kryetari i Komunës së Vitisë, Sokol Haliti ka falënderuar Misionin e OSBE-së për mbështetjen që po e jep në vazhdimësi ndaj komunës së Vitisë.
“ Ambasadori natyrisht se është i interesuar si gjithherë të kontribuoj, ndihmoj dhe të mbështes të gjitha komunat por edhe nivelin qendror, prandaj ne e falënderojmë atë për këtë kontribut në veçanti për Vitinë, për mirënjohjen për përformancë që na është dhënë më parë nga OSBE-ja, për bashkëpunimin e mirë edhe në aspektin regjional por edhe të zyrës që është në Viti. “ u shpreh Haliti.
Në këtë takim ka marrë pjesë edhe Drejtori i Qendrës Regjionale të OSBE-së në Gjilan, z. Zoltan Imecs si dhe disa të tjerë. Po ashtu me ftesë të kryetarit Haliti ambasadori Schlumberger ju është drejtuar edhe pjesëmarrësve të tryezës së rrumbullakët ku në fokus ishte “Parandalimi i radikalizmit dhe ekstremizmit të dhunshëm” Ndërkaq në shenjë respekti për bashkëpunimin e mirë në mes të komunës së Vitisë me OSBE-në Kryetari Haliti ndau një mirënjohje për ambasadorin Schlumberger. /2L ONLINE/