Kryetari Haliti nderoi me mirënjohje mësimdhënësin Fahredin Aliu në ditën e pensionimit
Kryetari i komunës së Vitisë, Sokol Haliti së bashku me drejtoreshën e Arsimit, Arta Ajeti dhe të tjerë kanë organizuar sot pritje për mësimdhënësin Fahredin Aliu, me rastin e pensionimit të tij pas 25 vjetësh pune në arsim.
Kryetari Haliti vlerësoi kontributin e gjatë të Aliut në edukimin e brezave dhe përkushtimin e tij të pandërprerë në fushën e arsimit.
Ai theksoi se puna e mësimdhënësve si Fahredin Aliu mbetet shembull i qëndrueshmërisë dhe përkushtimit profesional.
Në shenjë respekti dhe falënderimi, kryetari Haliti, i ndau një mirënjohje për shërbimin rreth 25-vjeçar në arsim, duke e cilësuar Aliun një mësues që ka lënë gjurmë të qëndrueshme në formimin e nxënësve.
Kurse z. Aliu u falënderua për pritjen dhe për vlerësimin, duke shprehur mirënjohjen për bashkëpunimin ndër vite me kolegë, prindër dhe nxënës. /2LONLINE/