Kryetari Haliti formon komitetin komunal për mbrojtje dhe shpëtim

/2L ONLINE/ – Pas të reshurave të shtuara të shiut, kryetari i Komunës së Vitisë, Sokol Haliti ka formuar sot Komitetin komunal për Mbrojtje dhe Shpëtim. Këtij komiteti do të i prinë i pari i kësaj komune Sokol Haliti me disa nga Drejtorët e qeverisë komunale por pjesë e tij do të jetë edhe komandanti i stacionit policor në Viti, Agim Lipovica.
Përndryshe ky komitet ka për detyrë të vlerësoj gjendjen aktuale në territorin e Komunës së Vitisë, dhe të merr masa adekuate për mbrojtjen dhe shpëtimin e qytetarëve dhe pasurisë së tyre në territorin e kësaj komune.

Ndërkaq gjatë 2 viteve të fundit Institucionet Komunale të Vitisë, në krye me Halitin kanë punuar shumë në pastrimin e përroskave , kanaleve dhe shtretërve të lumenjve me qëllim të parandalimit të përmbytjes së tokave bujqësore dhe të ekonomive familjare. /2L ONLINE/