Kryetari Haliti e çmon lartë kontributin e gruas

(2LONLIEN) – Komuna e Vitisë, me rastin e 8 marsit ditës ndërkombëtare të gruas ka pritur sot punëtorët e administratës komunale dhe këshilltarët e Kuvendit Komunal të Vitisë.  Me këtë rast është çmuar lartë roli i femrës në shoqërinë tonë dhe atë në të gjitha fushat.
 
8 marsi dita ndërkombëtare e gruas ka bashkuar sot punëtorët e administratës komunale të Vitisë dhe më këtë rast kryetari I kësaj Komune, Sokol Haliti ju ka uruar atyre këtë festë duke e çmuar lartë kontributin e gruas në shoqëri.

“Sot në kujtojmë dhe nderojmë shumë veprimtare dhe aktiviste që kontribuon dhe punuan në ndërtimin e shtetit tone ku gruaja ishte pjesë e të gjitha aktiviteteve për dekada me radhë si dhe me punën e palodhshme në të gjitha lëmit sin ë Arsim, Shëndetësi, Kulturë pa lënë anash edhe punën  për barazi gjinore dhe demokratizim  të vendit tone”  u shpreh Haliti.  

Ai u zotua se  institucionet komunale do të punojnë bashkë me to në fuqizimin  e rolit të gruas  në pozita vendimmarrëse.  Gjithashtu në këtë takim para të pranishmit ka folur zyrtarja për barazi gjinore, Ibadete Hyseni e cila gjithashtu ju uroj të gjithë grave këtë festë, më pas është mbajtur një koktej rasti./2lonline/