Kryesuesja e Kuvendit Komunal të Kamenicës, paneliste në EmPOWER

Kryesuesja e Kuvendit Komunal në Kamenicë Arbnore Beqiraj-Fera ka qenë pjesë e panelit të OSBE-së në programin EmPOWER për gratë politikane në nivel lokal.

Ky është kampi i parë dy-ditor për ngritjen e kapaciteteve.

Në këtë panel është diskutuar për qeverisjen komunale gjithëpërfshirëse dhe reaguese në praktikë, duke ndarë përvoja nga udhëheqja komunale.

Gjatë diskutimit, Kryesuesja Beqiraj-Fera prezantoi përvojat dhe praktikat e Komunës së Kamenicës në fuqizimin e pjesëmarrjes së qytetarëve, transparencën institucionale dhe krijimin e politikave që adresojnë nevojat e të gjitha grupeve të shoqërisë.

Programi EmPOWER synon të mbështesë gratë në politikë dhe vendimmarrje, duke krijuar hapësira për shkëmbimin e përvojave, zhvillimin e kapaciteteve dhe promovimin e lidershipit të grave në nivel lokal dhe qendror.  /2LONLINE/