Kryesuesi Thaqi priti në takim Shefen e Sektorit për Sundimin e Ligjit në Ambasadën Britanike në Prishtinë

Kryesuesi i Këshillit Gjyqësor të Kosovës (KGJK), Rrustem Thaqi, ka pritur në takim Shefen e Sektorit për Sundimin e Ligjit në Ambasadën Britanike në Prishtinë, Margaret Belof.

Gjatë takimit u diskutua për prioritetet dhe sfidat në sistemin gjyqësor, me fokus në forcimin e efikasitetit, rritjen e transparencës dhe avancimin e reformave në drejtësi.

Kryesuesi i KGJK-së, Rrustem Thaqi, e falënderoi Shefen e Sektorit për Sundimin e Ligjit në Ambasadën Britanike, për mbështetjen e vazhdueshme ndaj sistemit gjyqësor në Kosovë, duke theksuar rëndësinë e bashkëpunimit ndërinstitucional dhe kontributin në forcimin e kapaciteteve institucionale.

Nga ana tjetër, Shefja e Sektorit për Sundimin e Ligjit në Ambasadën Britanike në Prishtinë, Margaret Belof, uroi Kryesuesin Thaqi për marrjen e detyrës së re në krye të KGJK-së. /2LONLINE/