Kryesuesi Kadriu fton seancë të jashtëzakonshme në lidhje me kërkesën e UKZ-së

“Në përgjigje të kërkesës së 13 këshilltarëve komunalë, kam ftuar seancën e jashtëzakonshme të Kuvendit Komunal për 11.03.2025 ku do të trajtohet kërkesa e Universitetit Publik “Kadri Zeka” për dhënien në shfrytëzim të hapësirave publike me qëllim të rritjes së kapaciteteve të tij”, ka bërë me dije, Kushtrim Kadriu, kryesues i Kuvendit Komunal të Gjilanit.

Ai tha se Gjilani është qendër rajonale universitare dhe ka një rol kyç në avancimin e dijes, jo vetëm për qytetarët tanë, por edhe për të gjithë rajonin e Anamoravës.

“Me përkushtimin e përbashkët, do të vazhdojmë ta mbështesim arsimin e lartë dhe të krijojmë kushte më të mira për studentët dhe profesorët tanë. Arsimi është çelësi i zhvillimit – le të investojmë në të ardhmen”, ka thënë kryesuesi i Kuvendit, Kushtrim Kadriu.  /2LONLINE/