Kryesuesi i Kuvendit thirrje qytetarëve ta ushtrojnë të drejtën e tyre të dalin e të votojnë

“Unë sot kam kryer që në mëngjes obligimin tim qytetar për të votuar në shkollën fillore “Rexhep Elmazi”, shkollë që për herë të parë është bërë qendër votimi dhe ky proces i krijimit të qendrave të reja ka lehtësuar procesin e votimit”, ka thënë Kushtrim Kadriu, kryesues i Kuvendit Komunal të Gjilanit.

Ai, u ka bërë thirrje qytetarëve të komunës së Gjilanit, të dalin sa më masovikisht, në kohën e mbetur, për të votuar dhe kryer obligimin e tyre qytetar.

Kadriu ka thënë se pushteti i qytetarëve është këtë ditë të zgjedhjeve andaj u ka bërë thirrje që, këtë pushtet, në kohë të votimit, edhe ta ushtrojnë. /2LONLINE/