Kryesuesi i KGJK-së priti në takim Drejtorin e Agjencisë për Parandalimin e Korrupsionit
Kryesuesi i Këshillit Gjyqësor të Kosovës (KGJK), Rrustem Thaqi, ka pritur në takim Drejtorin e Agjencisë për Parandalimin e Korrupsionit (APK), Yll Buleshkaj.
Me këtë rast, drejtori Buleshkaj e uroi Kryesuesin Thaqi për marrjen e detyrës në krye të Këshillit Gjyqësor të Kosovës, duke i dëshiruar suksese në ushtrimin e mandatit dhe realizimin e objektivave për avancimin e sistemit gjyqësor.
Gjatë takimit, bashkëbiseduesit diskutuan për rëndësinë e bashkëpunimit ndërinstitucional në funksion të integritetit institucional, sundimit të ligjit dhe përpjekjeve për parandalimin e korrupsionit.
Po ashtu, të dyja palët shprehën gatishmërinë për të vijuar bashkëpunimin në fushat me interes të përbashkët. /2LONLINE/