Kryesia e Kuvendit: Kuvendi mban tri seanca gjatë javës së ardhshme

Nën drejtimin e kryetarit Glauk Konjufca u mbajt sot mbledhja e radhës e Kryesisë së Kuvendit të Kosovës, së bashku me kryetarë të grupeve parlamentare.

Në këtë mbledhje Kryesia vendosi që të enjten, më 4 prill, Kuvendi të mbajë dy seanca. Duke filluar nga ora 10:00, Kuvendi do të mbajë seancë solemne në shënim të 25-vjetorit të Betejës së Koshares. Kurse, në orën 11:00, Kuvendi në seancë të rregulltë do të votojë për një varg projektligjesh dhe çështjesh të tjera të parapara në rend dite.

https://www.kuvendikosoves.org/shq/kalendari/…

Kryesia po ashtu u dakordua që të premten, më 5 prill, duke filluar nga ora 11:00, Kuvendi të mbajë seancë të veçantë me të vetmen pikë të rendit të ditës, pyetje parlamentare.

Në mbledhjen e sotme Kryesia shqyrtoi edhe çështje të tjera nga fushëveprimtaria e saj. /2LONLINE/