Kryeprokurori Kadriu vizitoi kampin Bondsteel

Kryeprokurori i Prokurorisë Themelore në Gjilan, Arben Kadriu, së bashku me prokurorin nga Departamenti për Krime të Rënda, Isuf Sadiku, gjatë ditës së sotme vizituan kampin Bondsteel.

Kryeprokurori Kadriu dhe prokurori Sadiku u pritën nga përfaqësuesit e Zyrës Ligjore të KFOR-it amerikan, kapiteni Ryan Adams, kapitenja znj. Laura Eckstein dhe përfaqësues të tjerë.

Fillimisht kryeprokurori falënderoi të njëjtit për pritjen, pastaj u diskutuan çështje të ndryshme të punës dhe u vlerësua roli i tyre në ruajtjen e sigurisë, paqes dhe stabilitetit në vend.

Gjithashtu, u vlerësua edhe bashkëpunimi i deritanishëm dhe u dakorduan që ky bashkëpunim të vazhdojë edhe më tutje. /2LONLINE/