Kryeprokurori i Prokurorisë Themelore në Prishtinë ka pritur në takim përfaqësues nga KFOR-i Amerikan

Në ambientet e Prokurorisë Themelore në Prishtinë, Kryeprokurori Zejnullah Gashi ka pritur në takim përfaqësues të KFOR-it Amerikan, Majorin Hector L. Zayas, Kryesues i Zyrës Ligjore në Kampin Bondstill, Kapitenin Adam M. Curfman, Avokat Ushtarak, si dhe Specialistin Daniel J. Allen , asistent ligjor ushtarak.

Kryeprokurori Gashi, pasi që fillimisht i uroi mirëseardhjen shprehu mirënjohje për angazhimin dhe bashkëpunimin e deri tanishëm, njëkohësisht tregoi gatishmëri për vazhdimin dhe thellimin e mëtutjeshëm të këmbimit të praktikave institucionale. Po ashtu, Kryeprokurori i njoftoi përfaqësuesit e KFOR për strukturën dhe punën e prokurorisë.

Në anën tjetër përfaqësuesit e KFOR-it Amerikan, treguan gatishmëri në thellimin e bashkëpunimit reciprok, si dhe ofruan mbështetjen e tyre për punën e prokurorisë në tërësi.

Për fund, Kryeprokurori Zejnullah Gashi, i falënderoi të pranishmit duke treguar përkushtimin e prokurorisë që të mbetet e hapur në zgjerimin e bashkëpunimit me partnerët, veçanërisht ata të nivelit ndërkombëtar. /2LONLINE/